Laura de Vega Aquarbeko Garapen Jasangarriko zuzendariak (Suez Taldea) enpresa-sektorean lehiakortasuna eta estrategia sustatu nahi dituen ‘Bilbao Mentoring Conference 2018’ ekitaldian hartu du parte.

Bilbo Mentoringaren hiriburu bihurtu da beste urte batez. Mentoring deiturikoa giza talentuaren garapena eta enpresa-arrakasta errazten dituen tresna bat da. Ekainaren 21ean, osteguna, gai horretako nazioarteko adituak Euskalduna Jauregian bildu ziren Bilbao Mentoring Conference 2018 ekitaldian parte hartzeko. Horien artean Laura de Vega, Aquarbeko Garapen Jasangarriko zuzendaria nabarmentzen da, ‘Mentoring en el ámbito social y educativo’ mahai-inguruko hizlarietako bat.

Bere hitzaldian, Laura de Vegak Global Mentoring Walk España ekimenean izandako esperientzia partekatu zuen. Aholkulari-lanak egin zituen Suez taldeko beste bi profesionalekin batera. Vital Voices Global Partnershipek sustatutako ekimena Coruñan egin zen joan zen, maiatzaren 12an, eta Espainia osoko 70 emakume bildu zituen enpresa-sektorean emakumeen ahalduntzea eta buruzagitza sustatzeko.

De Vegak adierazi du enpresa-erakundeetan garapen jasangarriaren arloan aurrera egiten jarraitzeko gako-faktorea dela mentoringa, eta Suez Taldeak mentoring eta garapen jasangarriaren arloan dituen lan-ildo nagusiak azaldu ditu.

Lorena Fernández Deustuko Unibertsitateko identitate digitaleko zuzendariak eta InspiraSTEAMeko aholkulariak eta Vicente Alamo eliteko kirolari ohiak eta SingularMatch-eko coach eta aholkulariak ideia interesgarriak azaldu zituzten mahai-inguruan. Sara Gómez Martín Ingeniaritzako Errege Akademiako Emakumea eta Ingeniaritza Proiektuko aholkulari zuzendaria aritu zen moderatzaile-lanetan.

2018koa hirugarren edizioa izan da. Pertsona ekintzaileei, enpresei eta enpresa- eta erakunde-ehuneko agenteei tresna ahaltsu horren garrantzia ezagutzera emateko bokazioarekin sortu zen ekitaldia.

Mentoring izenekoa beste pertsona baten, hain zuzen, aholkulariaren esperientziatik ikastea da. Aholkulariak irakatsi, erronka bota, aholku eman, gidatu eta lagundu egiten dio ikasleari bere garapen pertsonal eta profesionalean, denbora eta energia inbertituz eta, batik bat, bere helburuak identifikatzeko ezagutzak emanaz, haren eskumenak garatzeko, errendimendua hobetzeko eta bere ibilbide profesionalean aurrera egiteko.